【處境題】有錢同學話請我去旅行,但我有男朋友,去唔去?
我今年21歲, 讀緊三大bba,都算出名, 份人比較慢熱, 但都識到一班幾熟既同學, 都係得閒會食lunch , 傾下八卦野.
其實話熟但唔係好熟, 因為我同佢地家底差好遠lol , 大部份都係中產或者有錢家庭, 成日講話去旅行一定要坐first class, 今日買左唔知邊隻rolex , 聽日一唔一齊飲德國運番既手工生啤咁, 再唔係就講樓市同股票, 我都唔係好識, 同埋我都幾自卑, 因為我住公屋, 著衫都係用kkebuy淘番黎, 慳得幾蚊就幾蚊, 我只係讀書叻, 英文幾唔錯, 平時興趣只係打下機, 睇下日劇咁,同佢地距離差好遠.
不過佢地都冇排斥我咁, 仲同我好fd , 都識左一兩年. 雖然呢個圈子係三個男仔, +埋我都係兩個女仔, 但都玩得好開心, 前幾日其中一個同學(A) 仲車我上山頂睇夜景, 好開心, 但我男朋友就唔鍾意, 佢話男人車得女仔都有景轟 , 我就話佢諗多左la... 不過我都識做, 唔再搭A架車lu.
唔記得講, 我男朋友同我係中學同學黎, 拍左三四年拖, 感情都幾穩定, 不過佢就讀緊屯門既u, 所以我地距離都幾遠, 要星期六日先易d見面咁....
講番正題, 今日佢地又講去旅行, 講起日本一年四季都好正, 講講下仲話不如sem break一齊去轉日本, 個個都讚成, 得我唔得, 我話我都好想去, 但我仲要儲錢交學費lol, 佢地就話我掃興... 後來A就好豪氣咁話, 我請你去, 機票酒店我包! 但食野就自己俾! 另一個B就話 咁食野我包啦! 成班人去得你唔去好冇癮姐...
佢地一人講一句話請我, 我知道佢地係講真 , 當堂差d喊出黎, 勁感動, 因為我從來都未去過旅行...當下就即刻應承左, 但而家諗諗下, 因為另一個女仔sem break果時要番大陸住一排, 所以得我同三個男仔去, 好似有小小唔妥? 但佢地同我咁fd, 都唔會發生咩事la .... 我都唔知... 但我仲未敢講俾男朋友知, 驚佢唔俾我去, 到底去唔去好?...
